Wednesday, August 26, 2009

coming back???

قبل كم يوم اتذكرت انه كان عندي مدونه
و كنت اكتب فيها شوية اشياء

حاولت اتذكر ليش بالظبط تركت الكتابة هنا ولا قدرت احدد سبب واحد
ممكن انشغالي بالدراسة ((انشغالي الكبييييييييييييييييييييير بالدراسة)) او ممكن لاني بطلت اقرأ و بطلت اتفاعل مع تاناس زي زمان فما صار عندي اي شي اكتب عنه

احتمال برضه انه صرت ما ادقق كثير و امشي الأمور ((وكذا اسهل على فكرة)) فما يلفتني اي شي لدرجة اني اكتب عنه

راح احاول ارجع اكتب
و اشوف ايش حيطلع معاي

Monday, February 12, 2007

: X

أمر بحالة غير مبررة ابدا من الخرس المؤقت حاليا
يمكن أصحابي المقربين مني يعرفون عني شي اغلب الناس مستحيل يصدقونه، اللي هو اني ممكن اكون خجولة بشكل غبي احيانا
عادة اللي الناس يشوفونه اني ماعندي مشاكل اني اقول اي شي يجي على بالي لاي احد و اخذ حقوقي كااااااااااااااااملة اذا حبيت و مافي مانع اخذ للناس حقوقهم اذا طلبوا او شفت انه ممكن اساعد
انا عادة الشخص اللي ما يجامل و لا يرتب الكلام ...ادبه دب في وجه اللي قدامي، ابدا مو فخورة بفشلي الاجتماعي بالمعايير المتعارف عليها...بس هو كذا
اللي صاير حاليا انه انا مستغربة من نفسي، هدوووووووء غريب
يعني حاليا يكون الكلام على طرف لساني و مو راضي يطلع، احاول اشوف طريقة ارتب فيها الكلام..اروح متفاجئة انه حتى دماغي متعطل و
Blaaaaaaaaaaaaaaaaaank
وما يطلع معاي شي

عزائي الوحيد انها _ انشاءالله يعني_ حالة ما راح تستمر فترة طويلة، و كأني اشوف لها نهاية قريب

Sunday, February 04, 2007

مع اقتراب شهر مارس أتذكر آخر كم شهر عاشهم معانا

و أخاف أكثر من المرض و ضعف البني آدم قدامه


Do not stand at my grave and weep
I am not here, I do not sleep
I am a thousand winds that blow
I am the diamond glint of snow
I am the sunlight on the ripened grain
I am the gentle autumn's rain

When you awaken in the morning hush..
I am the swift uplifting rush of quiet birds in circled flight
I am the soft stars that shine in the night

Do not stand at my grave and cry
I am not there
I did not die

((Hopi Indian Prayer))

Friday, February 02, 2007

Overwhelmed :|

كنت مبسوطة أمس بعد ما كلمت وحدة من البنات و حكت لي على كم موضوع صاروا معاها، و مع أخوها قبل فترة ..
و أنذكر اني رحت السرير و انا مبسوطة، و صحيت و انا مبسوطة... و الموود لسه حلو الى الان

بعض الناس لهم تأثير غريب علي...نص ساعة في التلفون امس معاها ريحتني بشكل كبييييير
كنت احسب انه انا الوحيدة اللي الموضوع عامل لي قلق، و انه هو ما عنده اي اسباب تخليه يتوتر هالقد...أو يمكن االاصح اني اقول: عارفة و حاسة انه كمان حيكون متوتر ..بس مو قدي

طلع لا...ياحرام عنده مليون سبب و سبب يخليه يتوتر و يفكر في الموضوع ..أكثر مني كمان

Tuesday, January 23, 2007

يا محترم...افهم

لولا اختلاف الرأي يا محترم
لولا الزلطتين ما لوقود انضرم
و لولا فرعين ليف سوا مخاليف
كان بيننا حبل الود كيف اتبرم ؟
عجبي!!!

Tuesday, January 16, 2007

Raining

أمس مطرت..و اليوم مطرت

the timing couldn't be better :D

Monday, January 15, 2007

4 grilled chicken & pepsi diet, plz

كل يوم أحد كنا نجتمع ، و نطلب نفس الوجبة من نفس المطعم و ناكلها في نفس المكان
و ما تحلى الجلسة من غير حكاوي و الكلام عمره ما يخلص


أتذكر كيف كانت وحدة من البنات تدعي، و بصوت عااااالي انه الأيام اللي جاية تكون أحسن و احلى من اللي عايشينها

مش انه كنا عايشين ايام سيئة، بس قد ما كانت حلوة كان دايما الكلام يوصل لمكان نبدا نقول هل راح يكون لنا جلسات من هالنوع بعد كم سنة و ننبسط فيها بهالشكل

شكله دعاءها استجيب!!فعلا اللي جاي شكله أحلى :)

Thursday, January 04, 2007

وبعدين معاي؟؟

لي ثلاثة ساعات في السرير و ما قدرت أنام....

متوترة شوي ..لأني أحب أحس اني مسيطرة على الأوضاع و أقدر أرتب أموري بنفسي
خايفة.. لأنه فيه اشياء ما ينفع نسوي فيها مغامرات ،و ما ينفع كمان نجرب و نشوف
متفائلة ..لأنه مافي شي يخليني ما أفكر في كل الايجابيات اللي شايفتها
معصبة ...لأني لا أنا اللي نمت ولا أنا اللي كملت شغلي اللي ما خلصته

Friday, December 22, 2006

Drama Queen

I HATE DRAMA

...يمكن احتاج اذكر نفسي كمان مرة اني اكره الدراما، من أعماقي مثل ما يقولون
و حظي وقف معاي كمان مرة و حط لي في طريقي
drama queen
كجزء من خطة اشمل..الهدف منها -اتصور يعني- اني اتغلب على عدم قدرتي اني اتعامل مع اصناف معينة من البشر، و ما اقدر افهم ولا اقدّر بعض السمات الشخصية لبعض الناس

أكره مثلا المنظرة و شوفة النفس...وين ما اروح اقابل نماذج من هالنوع، فطورت طرق معينة، خلال الكم سنه اللي فاتوا، تخليني اقدر اعيش معاهم بدون ما أحرق في اعصابي ، و بدون ما ارجع لاسلوبي القديم ف التعبير عن كلللللل افكاري بوضوح مثل ما هي

ما أنكر انه من فترة لفترة أحن لعاداتي القديمة و اذا ما عجبني شي اقول في وجه البني آدم
بس اتعلمت كيف اتفادى و أتجنب و اقلل احتكاكي معاهم للمينيمم
و اتعلمت كم تيكنييك مش بطال عن كيف أمرر تعليقات مبطنة و خبيثة، الاسلوب الحريمي اللي أكرهه
بس شغال زي الحلاوة و ماشي حاله

ناس ما أعرف أشتغل معاهم ابداااا...الدراميين -اذا فيه كلمة من هالنوع-
شي مستفز بشكل غريب
على طول حوالينهم هالة من البؤس و الطاقة السلبية
ليش أنا يا ربي!! أنا بس اللي يصير معاي كذا دايما!!انا طووووووول امس ما قدرت انام من الضغط و التوتر!!
كأنه العالم الثانيين مرتاحين و ما عندهم مشاكل
في كل مكان مشاكل..يعني لا في البيت مرتاحين و لا في الشغل مرتاحين...و ي ريته عاجب أحد!!
عمرهم ما يقولون شي واحد كويس صار لهم في حياتهم..كانها سلسلة من المصايب و الكل هدفه انه يزيد همهم
أنا عارفة اني أذكى من ناس كثير، بس حظي دايما هالشكل، مهما اشتغل ما يبان(( بطريقة درامية..و دمعتين))
لاااااااااااا تعليق!!! بس كويس اللي ما قمت ضربت أحد ساعتها

اذا ما لقوا مصيبة يحكون عنها باقي اليوم، يخترعون وحدة
شي مثل انهم لقوا ملعقة سكر وحدة بس و هم يشربون قهوتهم بملعقتين ممكن يقلب على فيلم و ينتهي بأنه هذا نصيبهم و دايما الحلو ما يكمل معاهم
ينتهي شحن اللاب توب..نسمع موال في الحظ العاثر

هي مسألة وقت قبل لا أنفجر، البوست محاولة للتنفيس عشان أستحمل كمان كم اسبوع على بال ما الاقي طرق عشان تساعدني أعيش مع هذولي كمان

Thursday, December 14, 2006

R 1

Being a resident is ..GREAT

صحيح عندي مليون ملف مستنيين اني اقرأهم، و كم الف موضوع لازم أطلعهم من المكتبة و أطبعهم و ابدأ اقرأهم و كثيييييييييييييييييير اسئلة لازم تتجاوب و مرضى لازم أشوفهم قريب
صحيح في كل يوم نناقش فيه الحالات مع الدكاترة أحس اني غبية و ما افهم شي و قدامي كثييييييييييير عشان اتعلمه، و ما اقدر اقاوم اني ابكي لما يتكلمون عن 15 موضوع جديد في ساعة و نص بس من النقاش ، و احس اني فاشلة لما عملية تاخذ مني ساعتين و مع واحد من الدكاترة ما تاخذ نص ساعة
بس عمري ما كنت مبسوطة لهالدرجة

فكرة اني أشتغل في العيادة الحالات اللي احبها بس فكرة عبقرية
ما في داعي احشي ولا عصب باقي حياتي و اقدر بكل سهولة احول كل التلبيسات و التركيبات لغيري يتسلى فيهم
و الأحلى هو انه قررت اتخصص بدري
، اللي معناه قدامي سنيييييييييييييين أشتغل فيهم الشي اللي أحبه
يا سلاااام
:)

كان يوم كويس...فالنفسية تمام و البوست طلع رايق
لو كتبته قبل يومين بس كان راح يكون شي مختلف تمامااا

Friday, December 08, 2006

assignment

شكرا يا هديل...و يا ريت كل الواجبات خفيفة بهالشكل

...Neutrophils secrete azurophil granule components into the phagolysosome minutes after the secretion of the specific granules. among the microbicidal compounds are small antimicrobial peptides known as ..-defensins ,serprocidins......

title and author: YOU DO NOT WANT TO KNOW
:P

if someone is REALLY interested in reading that,,,i'll be more than happy to type further details about the book

و أمرره لاي شخص يمر و يحب يحله

سلام :)

Saturday, November 11, 2006

النساء من الزهرة، الرجال من المريخ...و السعوديين من بلوتو

على طريقة الكتاب المعروف، أقدر اقول....

لما السعودي يقول لك: معليش، بس احنا الحين نتكلم في الدين..هذا دين يا اخي
فهو غالبا جالس يحاول يقول: معليش، شكلك بني آدم فاهم و لازم اسكتك قبل لا أنا يطلع شكلي مو فاهم شي

Monday, November 06, 2006

Officially Q3y6yeeah


أعجبت جدا بفكرة هديل، و عندي ثقة انه لو انشغلت صح و المدونيين فعلا بدأوا بتطبيقها راح يكون لها نتيجة ممتازة على أكثر من جهة..الوعي اولا راح يزيد، فكرة السعودي اللي يدفع راح تتغير..ولو شوي كبداية، الناس راح تعرف من وين تشتري أغراضها بدل اللهف اللي صاير في بعض الاماكن
برافو يا هديل : )

التصدي للغلا و للصرف و كرهي لهم قديييييم، كنت سعيدة لما لقيت انه فيه ناس غيري ملاحظة و تتحرك و حبت تنظم الموضوع.
الانطباع اللي غيري يعطيوني اياه هو اني
Officially Q3y6yeeah
اسمع تعليقات من فترة لفترة حول الموضوع..كان آخرها تعليق أخوي اللي أصغر مني بحوالي عشر سنين
((ما تتفشلين انتي و انتي شايله هالجوال..و مسوية فيها دكتورة!!)) ..و ضحك ضحكة غبية

جوالي كمل معاي خمسة سنين حاليا، شغال زي الفل و فيه كل المميزات اللي انا احتاجها في جوال..يرسل و يستقبل مكالمات و رسايل..شكرا،هذا اللي أدور عليه
هو اتصور انه ربط بين كوني اخته الكبيرة اللي مفروض انها تشتغل و تدخل فلوس( موضوع ثاني تماما)و جوالي اللي هو اقدم من جواله، و من جوالات كل اصحابه ((الاطفال الكتاكيت)) اللي متأكدة انه اهلهم جابوا لهم جوالات نتيجة الحاحهم و حسرتهم على انه ((كل الاولاد الثانيين ابوهم جايب لهم جوال))
أو هذا اللي حصل معانا

التعليق اللي قبله كان من وحدة من العاملات في العيادات اللي كنت اشتغل فيها، وسط الكلام اشتكت انه العامل اللي يوصل الطلبات من البوفيه دايما ياخد باقي الخمسة ريال بخشيش، مع انه البوفيه لاصق في ظهر العيادات و مشوار دقيقة و نص مشي،بس مو مسموح لنا نطلع
هي ما اتكلمت ..غالبا هي ما اتكلمت عشان شكلها قدام الباقيين و هي تلاحق الريال
بعدها بكم يوم اشتكت زميلة لي انه طلب منها بخشيش عشان(( انا فيه دوّر دوّر و ين هذا غرفه))..يعني اتعلل بانه ضيع الاستراحة اللي نجلس فيها، و تعب و هو يدور عليها، فيستاهل اكرامية، مع انه كلنا عارفين انه كذاب عينه، و هو اللي يوصل دايما
اتفقت انا و زميلتي انه نكلم مدير العيادات -لأنه هو المسؤول الوحيد اللي نعرف رقمه- و فعلا الرجال ما قصّر و بعدها صاروا يرسلون واحد ثاني للطلبات

مؤخرا مع انتقالي لمكان ثاني، صارت عملية البحث على وجبة الواحد ياكلها وسط اليوم الطويل أزمة
اكتشفنا انا و صديقة انه فيه مطعم تابع للمستشفى، مطعم مخصص للنساء و ما كنا نعرف عنه و عرفت عنه عن طريق الحارس
حاولنا نلاقيه و استعنا بطبيبة ثانية تتدرب هناك و قالت لنا قبل لا تدلنا عليه ((اي مطعم؟؟ قصدكم حق الفلبينيات؟؟ ))
قصة طويلة ..خلاصتها انه لما نزلت هذا اليوم اتغديت بأربعة ريال بس، بينما عادة راح اطلب من اقرب مطعم يوصل و أدفع أقلها 12 ريال و أدور اثنين ثانيين حابين ياكلون من نفس المكان عشان نكمل ال 30 ريال عشان يرضون يوصلون لنا الطلب

يعني ناس ترفع الاسعار و تسرقنا عيني عينك من جهة، و ناس تستغفلنا و ينهبونا من حيث لا ندري، و ناس شايفة انه حقها انها تشفط قد ما تقدر، و احنا يا اما هبل و ماشيين و الضحكة شاقة الوجه ، يا لاعبين دور احنا مو قده

بالعربي..
اوقفوا الجشع...و من جهة ثانية، أوقفوا الهبل و احسبوها صح

Thursday, November 02, 2006

A Tie

..........
..........
-You see this thing i've got round my neck?
-You mean your tie?
-Exactly. Your answer is the logical, coherent answer an absolutely normal person would give: it's a tie! A madman, however, would say that what I have round my neck is a ridiculous, useless bit of coloured cloth tied in a very complicated way, and which makes it harder to get air into your lungs and difficult to turn your neck. I have to be careful when I'm anywhere near a fan, or I could be strangled by this bit of cloth.
If a mad person were to ask me what this tie is for, I would have to say, absolutely nothing. It's not even purely decorative, since nowadays it's become a symbol of slavery, power, and aloofness. The only really useful function a tie serves is the sense of relief when you get home and take it off; you feel as if you've freed yourself from something, though quite what you don't know.

Wednesday, October 18, 2006

A well deserved break!!


B r e a k


I'll be back in few weeks
عيدكم مبارك مقدما
:)

Thursday, October 12, 2006



'Look out now, Five! Don't go splashing paint over me like that!'
`
I couldn't help it,' said Five, in a sulky tone; `Seven jogged my elbow.'
On which Seven looked up and said, `
That's right, Five! Always lay the blame on others!'

Wednesday, October 04, 2006

Reading Hours

كل صباح يكون عندي محاضرة أحضرها أو أقدمها أو أنام فيها ..المهم يعني يكون عندي شي اسويه، المشكلة مش هنا
المشكلة انه العيادات ما تبدأ غير الساعة وحدة بعد الظهر ، و من 9 او 10 للساعة وحدة ما يكون عندي شي اسويه، وبيتي مشوار 45 دقيقة، يعني اذا حسبتها رايح جاي و الزحمة و الأعصاب..ما تسوى

هم في الجدول حاطينها
Reading hours
في البداية كنت مبسوطة ، أجلس و اخلص شغلي ، بس بعد فترة طفشت خلاص..رييدنق الى متى؟؟ في البيت رييدنق و في السيارة رييدنق و في المطبخ رييدنق....
بس يحبسوني بالساعات عندهم عشان شوية رييدنق غصبا عني!!! ما راح اقرأ شي..انا حرة!!
بعد ربع ساعة ضيعتها رجل على رجل رافضة اني أقرأ اي شي ، قررت اني آخذ موقف، غلط كبير اني أجلس و كأنه ولا شي صار، ولا كأنهم يوميا يضيعون 4 ساعات من يومي و يملوني كيف اتصرف فيهم
راح انتقم لنفسي، و بشكل راح يفاجئهم، مستحيل اصلا راح تخطر على بال احد منهم..اذا كنت أنا نفسي استغربت اني ممكن اكون شريرة لهالدرجة

راح اشيك ايميلي و افتح البلوق من المكتبة
YESSSSSSSSS

حسيت انه هذي هي الطريقة اللي راح توجعهم اكثر شي
ما أعطوني كلمة السر غير بعد اكثر من شهر و نص من تقديم طلب، يعني الموضوع مهم و ياخذ وقت و مو اي بني آدم ياخذ اشتراك في مكتبتهم المحترمة
راح أدخل على مدونتي..ما راح أدخل على واحد من التسعين موقع علمي اللي مشتركة المكتبة فيهم
راح ارسل نكت و رسايل غبية بدون معنى لكل الناس اللي اعرفهم، ما راح ارسل محاضرة الاسبوع الجاي للدكتور عشان يعطيني ملاحظاته عليها
هم اللي رابطيني في هالمكان..يستحملون النتيجة

طلعت من الغرفة في طريقي للمكتبة، و في الطريق قابلت واحد من دكاترتي زمان، حضر معاي مرة وحدة بس في العيادة لما كنت سنه ثالثة، و بكيت اسبوعين بعد هذاك اليوم (أيام ما كنت حساسة و أبكي اذا احد هزأني) ، كأنه في قوة خفية تحاول تشجعني على الجريمة اللي راح ارتكبها..و تذكرني انه ما في اي سبب يدعوني اني أغير رأيي(( مو بس حابسينك هنا اليوم، فاكرة قبل كم سنة لما هذا خلاكي تبكين أسبوعين ورا بعض..روحي يا بنت افتحي ايميليك و ضميرك مرتاح))

في الطريق قابلت كمان 3 او 4 اشخاص ثانيين، و كلهم كانوا اسباب وجيهة اني أكمل الخطة
وصلت و دخلت المكتبة، جلست على أكثر كمبيوتر أحبه فيهم(غريبة؟؟ يمكن. بس أنا لي ذوق خاص في اجهزة الكمبيوتر)...
فتحت ايميلي ،بدأت اقرأ شوية رسايل..كنت حاسه اني في مهمة و لازم أنجزها، عندي هدف و موقف جالسة احاول اثبته، ما قدرت اضحك على ولا نكته من التسع نكت اللي في ايميل واحد
بعد كم دقيقة و انا على الجهاز و ماحد قاطعني ولا لاحظ اللي جالسة اسويه، قلت اشوف أنا بنفسي ايش اللي صاير حواليني..
طالعت في أمينة المكتبة الفلبينية اللي تكرهني جدا- لأني دايما أراجع اوراقي عندها وقبل لا اعطيها فلوسها أخليها تعيد تصويرهم اذا ما كانوا واضحين- ، كانت طبيعية.....مكشرة، بس هذا الطبيعي..
حاولت بال
Side vision
اشوف ردة الفعل على وجه الدكتور اللي على يميني و الدكتورة اللي ما أعرفها على يساري..بس هم كمان كان آخر همهم انه فاتحة ايميلي الخاص في المكتبة
!!!!!
كنت أتوقع الجهاز راح يولع و يطلع أصوات و الأمن يقبضون علي و يوصل الموضوع للعميد ..و أكون أول وحدة اخذت موقف من موضوع الوقت الضايع.. يا خسارة!! الى اليوم ما صار شي..
بس أنا متأكدة انه يوما ما راح يكتشفون اللي سويته، ويراجعون أنفسهم و يغيرون الجدول..

Thursday, September 28, 2006

ايه..جواب نهائي

I am still determined to be cheerful and happy, in whatever situation I may be; for I have also learned from experience that our happiness or misery depends upon our dispositions, not upon our circumstances.


*anonymous

Thursday, September 14, 2006

حليت الواجب .....details

هذا هو الواجب يا ديتايلز..حليته

هل أنت راض عن مدونتك شكلا وموضوعا؟
شكلا نوعا ما راضية حاليا، لأني فاشلة في هالأمور و ليس بالامكان أحسن مما كان، بس لو اقدر أغير ما راح أقول لأ
موضوعا...نفس الشي، راضية نوعا ما ، بس عندي مشاكل عويصة في التعبير كتابة، احيان أقول أنا ليش أخترت أكتب أصلا

هل تعلم أسرتك الصغيرة بأمر مدونتك؟
لا، و ما عندي نية أقول لهم..اذا أحد لقاها بالصدفة عادي..بس ما راح أقول لأحد عليها

هل تجد حرجا في أن تخبر صديقا عن مدونتك؟ هل تعتبرها أمرا خاصا بك؟
نعم..اعتبرها أمر خاص بي. ولا أجد حرجا، بس مثل ما قلت، أنا مو ناوية أعمل اعلان للمدونة بين أصحابي،في نفس الوقت لو حصلت مناسبة و جا طاري المدونة.. مافي مشاكل
غير انه اصلا اصدقائي اهتمامهم بالانترت و استخدامهم له قليل و للحاجة.وكثير منهم ما يدرون اصلا انه فيه شي اسمه مدونات

هل تسببت المدونات بتغيير إيجابي لأفكارك؟ أعطني مثالا في حالة الإجابة
المدونات ((بعضها)) خلتني افكر أكثر ... اقدر اقول انها عرفتني على طرق اخرى اشوف فيها الاشياء، ..و المدونات علمتني أكون متسامحة أكثر و اسمع غيري و ممكن جدا آخذ بكلامه لو اقنعني
حاليا هي مرحلة تفكير و قراءة و اطلاع على قضايا ما كنت أدري عنها و اعادة ترتيب أشياء، يمكن تنتهي بتغيير او لأ، بس أتصور مجرد انك تشوف الموضوع من أكثر من زاوية... شي حلو

هل تكتفي بفتح صفحات من يعقبون بردود في مدونتك أم تسعى لاكتشاف المزيد؟
أسعى لاكتشاف المزيد، و أدخل كل الروابط عند كل الناس اللي تعجبني مدوناتهم

ماذا يعني لك عداد الزوار.. هل تهتم بوضعه في مدونتك؟
في البداية كنت مهتمة به جدا، و أفرح اذا زاد رقم...بس الاهتمام فيه جالس يقل تدريجيا

هل حاولت تخيل شكل أصدقائك المدونين؟
لا، بس أتخيل شخصيات و اسلوب كلام و طباع

هل ترى فائدة حقيقية للتدوين؟
ايه..فائدة للمدون نفسه، يراجع أفكاره و يفكر في اراء غيره.. و كونها مساحة مفتوحة فممكن تتعرف على رأي الشخص و مبرراته و رأيه فيك و في آراءك و تكتشف انك كنت غبي احيانا انك ما فكرت في الاشياء بطريقة مختلفة، و تروح تدور على شي يدعم رأيك، عشان صعبة تصدق نفسك اذا ما كان عندك حجة قوية
احتمال كمان بعد فترة معينة تبان فوائد للتدونين بشكل أوسع

هل تشعر أن مجتمع المدونين مجتمع منفصل عن العالم المحيط بك أم متفاعل مع أحداثه؟
هنا عندنا في السعودية مافي معالم واضحة، فيه مجموعة متفاعلة مع بعضها و مع المجتمع ، و فيه مجموعات ثانية مو باين لها أي اهتمام بقضايا المجتمع

النقد؟
عادي..لا أنزعج منه ، فرصة تسمع غيرك

هل تخاف من بعض المدونات السياسية و تتحاشاها؟ هل صدمك اعتقال بعض المدونين؟
اهتمامي بالسياسة مو هالقد، أحب أقرأ و أعرف شوية اشياء بس اعتبر نفسي ما أفهم شي فيها، لا اتحاشاها ولا ما صدمني الخبر
من جدكم فيه أحد أنصدم؟؟عيب الكذب...كلنا عارفين كويس انه طبيعي أي أحد يتكلم راح ياكل على راسه
:P

هل فكرت في مصير مدونتك حال وفاتك؟
لا ..راح تكون آخر همي.
بس أتمنى تجلس أطول فترة ممكنة مفتوحة

شكرا على تمرير الاسئلة لي..
هاه؟؟كيف أجوبتي؟؟ انشا الله نجحت بس ؟؟
:)

Sunday, September 10, 2006

أبوي أقوى من أبوك



قبل كم أسبوع كان فيه تبادل للآراء و الأفكار- و لأشياء ثانية ألطف - بين مجموعة مدونين

الموضوع في رأيي كان بسيط و عادي جدا بس تشعب و كبر بسرعة رهيبة و تحول الى معركة من نوع ((أبوي أقوى من أبوك)) و ((احنا حلوين، و أنتم يعععع))
قليلا ما أترك اي تعليق عند غيري - ولهذا أسباب كثيرة - ، بس لما قرأت المقال قبل كم يوم اتذكرت الموضوع..وحبيت احطه هنا بدل ما أحطه تعليق في مدونة أخرى .....



أخلاق الفهم

ان أخلاق الفهم المقصودة هي عبارة عن فن العيش مع الآخرين، وتتطلب الفهم بشكل نزيه، فهم أنفسنا و فهم الآخرين، و تقديرالاختلاف، بدلا من عزل الآخرين و لعنهم، لأن هذه الآلية لا تقود الا الى تضليلنا عن فهم عيوبنا و تضخيم عيوب الآخرين، وربما اختلاقها. أخلاق الفهم تقود الى (أنسنة العلاقات الانسانية)، لا الى توحشها، وهذه الأنسنة هي (طريق التفكير الجيد)، الذي يسمح لنا بفهم الشروط الموضوعية و الذاتية للسلوك الانساني، سواء في الجانب السلبي أو الجانب الايجابي، و بالتالي اتاحة الفرصة لازالة السلبي و تأكيد الايجابي، في أنفسنا و في الآخرين. وهو شيء ضروري أن نلجأ جميعا الى هذة الممارسة الذهنية المتجلية في الفحص الذاتي، لأن فهم نقاط ضعفنا الخاصة، أو نواقصنا هو السبيل نحو فهم نقاط ضعف و نواقص الآخرين، أو بمعنى أدق تفهمنا لضعف و نواقص الغير، في اطار اننا جميعا كائنات معرضة للخطأ، هشة و غير مكتفية بذاتها، وحينئذ يمكننا أن نكتشف حاجتنا المتبادلة للفهم، وحاجتنا المتبادلة للتعاون و التراحم. فهل تعلم مؤسساتنا التعليمية ذلك؟ ...انه أمر مفيد بكل تأكيد، و محصلته في حدها الأدنى تثمر في المستقبل القريب و البعيد أجيالا لا تنقاد الى أنماط التمركز الذاتي المتعصب، ولا تنصاع لغوايات التطرف و العنف الأعمى.

ثم يقول:
ان فهم الغير يتطلب منا الوعي بالطابع المركب للانسان، و عدم اختزال الانسان في لحظة متجزأة من كيانه كله، أو توصيفه بأسوأ لحظة في ماضيه، و ما يسري على تقييم الافراد يجوز على الشعوب و الأمم، و بعبارة موجزة من أدبيات ديننا الحنيف، فان هذا يمثل منهج الرحمة و التراحم، الذي ينبغي أن نلتفت اليه كثيرا في العملية التربوية...
و من طريق آخر يمكننا أن نصل الى هذا ((الفهم)) بما يسمى((استدخال التسامح))، فالتسامح الحقيقي، و الذي لابد انه المعني في حديثنا، ليس ابدا نوعا من اللامبالاة تجاه الأفكار المختلفة، بل يعني الاقتناع و الاختيار الحقيقي لتقبل وجود الافكار المختلفة، و في هذا يقتضي التسامح الحقيقي قدرا من المعاناة في تحمل حق الآخرين في التعبير عن أفكار مخالفة لأفكارنا ، وقد تبدو لنا سيئة، وهذا يقودنا الى مستوى آخر هو صلب الديمقراطية التي تستوعب،أو ينبغي أن تستوعب، وجود أراء مختلفة و متناقضة يلتزم الجميع باحترام حق التعبير عنها . ثم ياتي المستوى الأعمق للتسامح، و الذي عبر عنه نيلز بوهر بالقول: ((ان نقيض فكرة ما عميقة هو فكرة أخرى عميقة، و بصيغة اخرى الاعتراف بثمة حقيقة، أو على الاقل حقيقة محتملة، في الفكرة الماقضة لفكرتنا))



*د.سليمان ابراهيم العسكري
جزء من مقالة بعنوان(( تعليم الفهم! معرفة ضرورية في عالم يزداد اختلافا))
مجلة العربي، العدد574-شعبان 1427-سبتمبر 2006

Wednesday, September 06, 2006

طابور لو سمحتوا


عام 1988، الساعة 8 صباحا
أول طابور في حياتي،الفكرة كانت غريبة،المدرﱢسة مسكتني من ايدي و وقفتني في طابور..زحمة ناس، و كانت جنبي بنت في نفس الفصل اللي راح اروح له، أصرﱠت المدرسة اني أمسك يدها مع انه كان أول يوم نشوف فيه بعض ولا أعرفها ولا تعرفني

-عام 1992،الساعة 11 الظهر تقريبا
تحديثات في مطعم المدرسة اجبرتنا اننا نوقف طابور، كان فيه مسارات محددة بأعمدة معدنية ..كل اللي أتذكرة و ممكن اقوله هو انها كانت فكرة غبية، يمكن فكرة غبية انك تحاول تخلي ناس جوعانين يوقفون طابور..ياما انحشرت بين ناس اكبر مني حجما(( هم في المتوسط و انا كنت ابتدائي)) و بين السيخ الحديد..اااااي

-عام2000،الساعة 6.30 مساء
أول سنة لي في الجامعة، و أول مكافأة اروح اصرفها. رحت أقرب فرع للبنك الأمريكي ، كان طبور طوييييييييل، صحيح أعوج و مايل بس اسمه طابور. بعد انتظار و لما اخيرا وصلت للموظفة و عطيتها شيكي، قالت لي - بامتعاض و احتقار شديدين- : ((شيك مكافأة؟!!)) ، و حسيت انها ودها تولع فيني. مين اللي واقف طابور و تعبان فينا؟غير انه شغلها انها تصرف اي شيك مهما كان ((تافه)) بالنسبة لها

-عام 2003،الساعة 9.30 مساء
في التميمي بعد ما اشتريت شوية أغراض، و واقفة بالعربية في الطابور و يجي واحد حامل سلة خفيفة مافيها غير شي ينشرب و فطاير و يوقف -بكل ثقة- قدامي بدون حتى ما يطالع فيني، ولما قلت له انه أنا بعد الأخ اللي يحاسب رد عليّ : ((هاتي رجال أكلمة..ما أكلم حريم))

-عام 2005،الساعه 9.30 صباحا
في مبنى الدراسات العليا، بعد انتظار دام ساعتين و ثلث ((بدون اي مبالغة)) في طابور بدون شخصيه، ما تعرف اوله من اخره ولا حتى متأكدة اذا تنطبق عليه مواصفات الطابور- اذا كان فيه مواصفات-
اخييييييرا فتحت الموظفة باب مكتبها بعد اكثر من ساعتين، مافي داعي أقول لكم انها كانت تنجز مهمة عظيمة هي و زميلاتها بالداخل، كانوا يحاولون يخلصون صحن البيتيفور و ينشفون الدلة لآخر قطرة فيها، و كله في خدمة الوطن طبعا..ما راح نزايد على وطنية أحد هنا
كنت أول وحدة في وجه الباب و من القلة القليلة اللي صمدوا في الطابور طول الساعتين..فجأة و أول ما انفتح الباب صاروا كل اللي كانوا جالسين على الكراسي و داخل القاعات المكيفة عندهم ظروف و من حقهم أنهم يدخلون قبلي

-عام 2006،الساعه 10 صباحا
رحت البنك – ولظروف معينة دخلوني غرفة خدمات سامبا الذهبية- و كان فيه 3 سيدات(( جالسين))..قلت لنفسي: ممتاز يا بنت ، راح تصيرين انتي أول وحدة في الطابور،و طابور من 4 أشخاص بس..ولا احلى..
كانت مثل ما يقولون
too good to be true
المرة الوحيدة اللي اتمنيت و اشتهيت اني اوقف فيها طابور ، كنت متفائله، بس للأسف طلعوا أخواننا و أخواتنا اصحاب البطاقة الذهبية ما يوقفون طوابير اصلا !!شغلك يخلص و انت جالس و مرتاح!!و معاها فنجان قهوة كمان!!

مستحيل...تجاربي السابقة تقول لي انه أكيد فيه شي غلط

Friday, September 01, 2006

Brave New World




"But I don’t want comfort. I want God, I want poetry, I want real danger, I want freedom, I want goodness. I want sin."

A quote from the novel((brave New World)), by Aldous Huxley


*LOVED the novel,but hated the movie*

Sunday, August 27, 2006

أنا أشرب قهوتي مررررررة

أجلس في الشرفة لأشرب قهوتي الصباحية، درجة الحرارة في الظل لهذا اليوم 32 درجة
..........
..........
..........
على مين أكذب أنا و أنا جالسة أحاول أكتب قصة بالعربي الفصيح ؟؟من متى يعني أنا أفهم في العربي؟؟ فشل

لا..و كمان (( أجلس في الشرفة))!! على مين يا بنتي..
نسيت اني في الرياض، و ان موضوع الطلعة للشرفة مفروغ من تماما، لعدة اسباب

1- وش راح يقولون علينا الجيران؟؟ طالعة تستعرض من صباح رب العالمين!! قلة حيا صحيح
2- ثاني يوم راح أكتشف ان طلعتي للشرفة وصلت لكل سكان الحي و راح الاقيهم مرصوصين قدام الشرفة، مو من حلاة الشكل..بس راح تكون الشرفة الوحيدة اللي فيها مخلوق ....(( حدث)) فريد، و أهل الرياض يموتون في التجمع حول ((الحوادث))
3- الجرايد راح ترجع تتكلم في موضوع ناسينه من فترة..ألا و هو موضوع ((الخصوصية السعودية)) ، وراح أكون بوقفتي على الشرفة جرحت خصوصيتهم..قصدي خصوصيتنا، نحن شعب لا نقف ولا نجلس و لا حتى نعرف شكل الشرفة..كم واحد عندة شرفة اصلا؟
4- قناة الاخبارية ((اذا مو الجزيرة)) راح تتكلم في الموضوع و يطلع لك واحد يقول: ((الحريم اليوم يطلعون في الشرفات...بكرة يقولون ندخل الانتخابات )) و ندخل في السياسة !!

خلاص...غيرت رأيي،لا راح اكتب ولا أطلع شرفات
ما في احلا من القهوة في الدور الثاني، في غرفة مافيها شبابيك ولا ترى الشمس

*العنوان لأغنية سمعتها مرة واحدة و لا أدري لمين

Tuesday, August 22, 2006

Peace


That was what was missing.
Every hurt he'd ever suffered, every ache he'd ever endured, it was all as gone as an expired breath. He could not feel agony. He could not feel sadness. His consciousness felt smokey, wisplike, incapable of anything but calm
...........
...........

Where is my worry?
Where is my pain?

People think of heaven as a paradise garden, a place where they can float on clouds and laze in rivers and mountains. But scenery without solace is meaningless.
This is the greatest gift god can give you: to understand what happened in your life. To have it explained. It is the peace u have been searching for.


*from ((the five people you meet in heaven))
Mitch Albom

Saturday, August 19, 2006

5 things...more or less

أحببت مجموعة الاسئلة ،و وجدت فيها فرصة للتفكير في مخاوفي و أمنياتي
ممكن الأشياء اللي فكرت فيها تتغير..أو تزيد بعد فترة..بس هذه هي اجاباتي
for now


أماكن تتمنى شراءها:
-مكتبة جرير فرع الاحساء((وراح اسوي شوية تغييرات))
نفسي أشتري البيت و المساحات الخضراء الواسعة اللي كان ناوي يحولها لمشروع خاص فيه patchللي شافوا
-جزيرة صغيرة وسط البحراحط أنا القوانين فيها
-دار ايتام
-اي فرع ل (( د.كيف )) و أخليه كله عوايل


أمور تخافها:
-الظلام
-اخسر القدرة اني اخلص أموري بنفسي..اصير احتاج احد :/
-المرض
-الظلم


كلمات تسرف في استخدامها
-يعني؟؟
-اها ((ادري انها ما تعتبر كلمة..بس استخدمها بكثرة..بمعنى معاك على الخط ..كمل كلام..فهمت قصدك))
-صحيح؟؟
-عادي..مو مشكلة
-ان شاء الله



أمور تتمنى عملها أو الوصول إليها :
-رضا ربي و الوالدين
-أحسن من أسلوبي في الكتابة و التعبير عن نفسي عموما، و أطور علاقتي باللغة العربي و الانجليزي
أفتح مكتبة صغيرة من النوع اللي نشوفه بس في الأفلام..عارفين المكتبات اللي في -
((you've got mail)) and ((friends))
شي من هالنوع..مكتبة صغيرة للقراة فيها ركن فيه قهوة و عصاير..زباين شوي بس يكونون جزء من المكان و متعلقين فيه
-اكفل يتيم
-اصير ام
-يوم ما أموت يذكرني الكل بالخير حتى لو اختلفت معاهم
-انجح في كل اختياراتي و مشاريعي


مواقع تزورها يومياً
-مدونات أحبها
My email-
مواقع لها علاقة بتخصصي
((http://wvs.topleftpixel.com/ )) to check today's pic-


أسئلة تكره سماعها
-متأكدة؟؟اكييييييييد؟؟
هاه؟؟ وش رايك؟؟ ...لأن لو عندي شي اقوله راح اقوله..غالبا يكون سؤال غير برئ هدفه الضغط عليك -


:) details شكرا يا

Wednesday, August 16, 2006

Propaganda

((...In what is nowadays called a totalitarian state, then a military state, it's easy. You just hold a bludgeon over their heads, and if they get out of line you smash them over the head. But as society has become more free and democratic, you lose that capacity. Therefore you have to turn to the techniques of propaganda. The logic is clear. Propaganda is to democracy what the bludgeon is to a totalitarian state....))

-Noam Chomsky

Friday, August 11, 2006

I Wish I Knew This Before I Started My Clinical Years



-A positive attitude is necessary
Don’t think that your ((hard work)) will get u through it

-Don’t take any thing personally
If u have a heart attack in school or got depressed they will flunk you for missing sessions

-Tomorrow is NOT a better day
Tomorrow you'll go to the same place and face the same people and you'll have yesterday's problems and a new bunch of problems for today to deal with

-Einstein was right; the theory of relativity is working
The presence of matter curves space-time, and this curvature affects the path of free particles
Matter = some instructors
Space time = the 2 1/2 hour session
Free particles = students
In other words: the presence of some instructors in the session and their meticulous observations -u should go deeper by 1/2 mm into the gingival floor distolingually to open the margin and call me again, then just smoothen it a bit and call me again, apply dycal and call me again!!!!– curves and alters your estimation of the time ,u believe u r working while your session is lost wandering in the corridors looking for the instructor, the result is placing an IRM and a big fat zero as an evaluation ((check wikipedia for more information))

-It is all about you
help people but remember that u r there to graduate and when u need help very few people will stop to lend a hand, don't expect patients when u refer some

-Coffee and donuts are more important than u and ur patients
Did u just interrupt your instructor while he/she is having a cup of coffee to check a class IV ?!!!!!!!!

-The English language has no ((bad words))
Every bad word you'll hear in the clinic will be in Arabic…and in front of the patient. And u won't hear any compliments


-Avoidance vs. confrontations
Some instructors will like you and some will hate you. Minimize the damage by avoiding those who hate you when u can

-a positive attitude is NECESSARY

Saturday, August 05, 2006

International criminal court




sounds familiar??
:/
حاولت أترجمها للعربي ..بس حسيت أنها خسرت معناها لما ترجمتها،ما أعرف أترجم*

Friday, August 04, 2006

لبنان الكرامة والشعب العنيد


علقت في المسمار قناع مهزلة
ومعاه قناع مأساة بحزنه ابتلا
بصيت لقيتهم يشبهوا بعضهم
واهو ده العجب يا ولاد و الا فلا
عجبي
!!

*من رباعيات صلاح جاهين

Thursday, August 03, 2006

مساحة خاصة بي..أنا وحدي