كل صباح يكون عندي محاضرة أحضرها أو أقدمها أو أنام فيها ..المهم يعني يكون عندي شي اسويه، المشكلة مش هنا
المشكلة انه العيادات ما تبدأ غير الساعة وحدة بعد الظهر ، و من 9 او 10 للساعة وحدة ما يكون عندي شي اسويه، وبيتي مشوار 45 دقيقة، يعني اذا حسبتها رايح جاي و الزحمة و الأعصاب..ما تسوى
هم في الجدول حاطينها
Reading hours
في البداية كنت مبسوطة ، أجلس و اخلص شغلي ، بس بعد فترة طفشت خلاص..رييدنق الى متى؟؟ في البيت رييدنق و في السيارة رييدنق و في المطبخ رييدنق....
بس يحبسوني بالساعات عندهم عشان شوية رييدنق غصبا عني!!! ما راح اقرأ شي..انا حرة!!
بعد ربع ساعة ضيعتها رجل على رجل رافضة اني أقرأ اي شي ، قررت اني آخذ موقف، غلط كبير اني أجلس و كأنه ولا شي صار، ولا كأنهم يوميا يضيعون 4 ساعات من يومي و يملوني كيف اتصرف فيهم
راح انتقم لنفسي، و بشكل راح يفاجئهم، مستحيل اصلا راح تخطر على بال احد منهم..اذا كنت أنا نفسي استغربت اني ممكن اكون شريرة لهالدرجة
راح اشيك ايميلي و افتح البلوق من المكتبة
YESSSSSSSSS
حسيت انه هذي هي الطريقة اللي راح توجعهم اكثر شي
ما أعطوني كلمة السر غير بعد اكثر من شهر و نص من تقديم طلب، يعني الموضوع مهم و ياخذ وقت و مو اي بني آدم ياخذ اشتراك في مكتبتهم المحترمة
راح أدخل على مدونتي..ما راح أدخل على واحد من التسعين موقع علمي اللي مشتركة المكتبة فيهم
راح ارسل نكت و رسايل غبية بدون معنى لكل الناس اللي اعرفهم، ما راح ارسل محاضرة الاسبوع الجاي للدكتور عشان يعطيني ملاحظاته عليها
هم اللي رابطيني في هالمكان..يستحملون النتيجة
طلعت من الغرفة في طريقي للمكتبة، و في الطريق قابلت واحد من دكاترتي زمان، حضر معاي مرة وحدة بس في العيادة لما كنت سنه ثالثة، و بكيت اسبوعين بعد هذاك اليوم (أيام ما كنت حساسة و أبكي اذا احد هزأني) ، كأنه في قوة خفية تحاول تشجعني على الجريمة اللي راح ارتكبها..و تذكرني انه ما في اي سبب يدعوني اني أغير رأيي(( مو بس حابسينك هنا اليوم، فاكرة قبل كم سنة لما هذا خلاكي تبكين أسبوعين ورا بعض..روحي يا بنت افتحي ايميليك و ضميرك مرتاح))
في الطريق قابلت كمان 3 او 4 اشخاص ثانيين، و كلهم كانوا اسباب وجيهة اني أكمل الخطة
وصلت و دخلت المكتبة، جلست على أكثر كمبيوتر أحبه فيهم(غريبة؟؟ يمكن. بس أنا لي ذوق خاص في اجهزة الكمبيوتر)...
فتحت ايميلي ،بدأت اقرأ شوية رسايل..كنت حاسه اني في مهمة و لازم أنجزها، عندي هدف و موقف جالسة احاول اثبته، ما قدرت اضحك على ولا نكته من التسع نكت اللي في ايميل واحد
بعد كم دقيقة و انا على الجهاز و ماحد قاطعني ولا لاحظ اللي جالسة اسويه، قلت اشوف أنا بنفسي ايش اللي صاير حواليني..
طالعت في أمينة المكتبة الفلبينية اللي تكرهني جدا- لأني دايما أراجع اوراقي عندها وقبل لا اعطيها فلوسها أخليها تعيد تصويرهم اذا ما كانوا واضحين- ، كانت طبيعية.....مكشرة، بس هذا الطبيعي..
حاولت بال
Side vision
اشوف ردة الفعل على وجه الدكتور اللي على يميني و الدكتورة اللي ما أعرفها على يساري..بس هم كمان كان آخر همهم انه فاتحة ايميلي الخاص في المكتبة
!!!!!
كنت أتوقع الجهاز راح يولع و يطلع أصوات و الأمن يقبضون علي و يوصل الموضوع للعميد ..و أكون أول وحدة اخذت موقف من موضوع الوقت الضايع.. يا خسارة!! الى اليوم ما صار شي..
بس أنا متأكدة انه يوما ما راح يكتشفون اللي سويته، ويراجعون أنفسهم و يغيرون الجدول..
المشكلة انه العيادات ما تبدأ غير الساعة وحدة بعد الظهر ، و من 9 او 10 للساعة وحدة ما يكون عندي شي اسويه، وبيتي مشوار 45 دقيقة، يعني اذا حسبتها رايح جاي و الزحمة و الأعصاب..ما تسوى
هم في الجدول حاطينها
Reading hours
في البداية كنت مبسوطة ، أجلس و اخلص شغلي ، بس بعد فترة طفشت خلاص..رييدنق الى متى؟؟ في البيت رييدنق و في السيارة رييدنق و في المطبخ رييدنق....
بس يحبسوني بالساعات عندهم عشان شوية رييدنق غصبا عني!!! ما راح اقرأ شي..انا حرة!!
بعد ربع ساعة ضيعتها رجل على رجل رافضة اني أقرأ اي شي ، قررت اني آخذ موقف، غلط كبير اني أجلس و كأنه ولا شي صار، ولا كأنهم يوميا يضيعون 4 ساعات من يومي و يملوني كيف اتصرف فيهم
راح انتقم لنفسي، و بشكل راح يفاجئهم، مستحيل اصلا راح تخطر على بال احد منهم..اذا كنت أنا نفسي استغربت اني ممكن اكون شريرة لهالدرجة
راح اشيك ايميلي و افتح البلوق من المكتبة
YESSSSSSSSS
حسيت انه هذي هي الطريقة اللي راح توجعهم اكثر شي
ما أعطوني كلمة السر غير بعد اكثر من شهر و نص من تقديم طلب، يعني الموضوع مهم و ياخذ وقت و مو اي بني آدم ياخذ اشتراك في مكتبتهم المحترمة
راح أدخل على مدونتي..ما راح أدخل على واحد من التسعين موقع علمي اللي مشتركة المكتبة فيهم
راح ارسل نكت و رسايل غبية بدون معنى لكل الناس اللي اعرفهم، ما راح ارسل محاضرة الاسبوع الجاي للدكتور عشان يعطيني ملاحظاته عليها
هم اللي رابطيني في هالمكان..يستحملون النتيجة
طلعت من الغرفة في طريقي للمكتبة، و في الطريق قابلت واحد من دكاترتي زمان، حضر معاي مرة وحدة بس في العيادة لما كنت سنه ثالثة، و بكيت اسبوعين بعد هذاك اليوم (أيام ما كنت حساسة و أبكي اذا احد هزأني) ، كأنه في قوة خفية تحاول تشجعني على الجريمة اللي راح ارتكبها..و تذكرني انه ما في اي سبب يدعوني اني أغير رأيي(( مو بس حابسينك هنا اليوم، فاكرة قبل كم سنة لما هذا خلاكي تبكين أسبوعين ورا بعض..روحي يا بنت افتحي ايميليك و ضميرك مرتاح))
في الطريق قابلت كمان 3 او 4 اشخاص ثانيين، و كلهم كانوا اسباب وجيهة اني أكمل الخطة
وصلت و دخلت المكتبة، جلست على أكثر كمبيوتر أحبه فيهم(غريبة؟؟ يمكن. بس أنا لي ذوق خاص في اجهزة الكمبيوتر)...
فتحت ايميلي ،بدأت اقرأ شوية رسايل..كنت حاسه اني في مهمة و لازم أنجزها، عندي هدف و موقف جالسة احاول اثبته، ما قدرت اضحك على ولا نكته من التسع نكت اللي في ايميل واحد
بعد كم دقيقة و انا على الجهاز و ماحد قاطعني ولا لاحظ اللي جالسة اسويه، قلت اشوف أنا بنفسي ايش اللي صاير حواليني..
طالعت في أمينة المكتبة الفلبينية اللي تكرهني جدا- لأني دايما أراجع اوراقي عندها وقبل لا اعطيها فلوسها أخليها تعيد تصويرهم اذا ما كانوا واضحين- ، كانت طبيعية.....مكشرة، بس هذا الطبيعي..
حاولت بال
Side vision
اشوف ردة الفعل على وجه الدكتور اللي على يميني و الدكتورة اللي ما أعرفها على يساري..بس هم كمان كان آخر همهم انه فاتحة ايميلي الخاص في المكتبة
!!!!!
كنت أتوقع الجهاز راح يولع و يطلع أصوات و الأمن يقبضون علي و يوصل الموضوع للعميد ..و أكون أول وحدة اخذت موقف من موضوع الوقت الضايع.. يا خسارة!! الى اليوم ما صار شي..
بس أنا متأكدة انه يوما ما راح يكتشفون اللي سويته، ويراجعون أنفسهم و يغيرون الجدول..
5 comments:
ولا الهوا يا دكتورة عشم ابليس في الجنة
معلش اني اكسر مقاديفك واحبطك
بس لازم تعرفي ان الكل بيفتح ايميله ويتفرج على حاجات تانية
مش ممكن التدوينة لذيذة جدا والمستدعيات السلسة فيها مضحكة جدا
ربنا يديم عليكي نعمة الابتسام
أكتشفت فعلا انه عادي..و حسيت بالغباء و أنا على بالي اني جالسة أخالف أنظمة
عادة ما اسويها لأنه افتح ايميلي قبل لا أنزل من البيت الصباح، و لأنه ما عندهم غير ثلاثة اجهزة متصله بالانترنت ( ثلاثة من اصل اربعة)..
دايما منور المدونة
حضورك يشرفني :)
اها
و عارف، ممكن الناس تحاسبك على شي عملته كانه جريمة مع انه الكل يسويه و حتى هم يسوونه، بس انت باحساسك انك غلطان تعطيهم الحق انه يستخدمون معايير مختلفة لحسابك
و انت بصحة و عافية :)
فى مكتبتنا كاتبين عن قانون استخدام النت لأغراض خاصة , جملة تخويفيه !
وهى ان المكتبه ممكن تطلع الأرشيف تبع الكومبيوتر وتشوف انت وين كنت
قلت فى بالى , يا بنت وهما ايش عرفهم بأسمك على الميل ,
طبعا يا دوب فتحت رسالة واحده الحمد لله كان الكلام عادى الى فيها, وعلى قولتك بالسسايد فجن , شفت البنات الثانيين والأولاد , كلهم ناس شغاله بذمه على بحوث ومش عارف ايش
مو متذكره اذا كنت شجاعة وفتحت الميل فى مرة ثانية
بس فى حالتى وانا اللى رايحه المكتبه برجليا) الموضوع مهو مستاهل
.............
حتى لو كل الناس عملت شىء وانت من داخل حاسس انه خطأ راح يظل خطأ
الى ان تغير انت من نظرتك
........
عجبتنى اخر جمله فى اخر تعليق لك
.........
على مناسبة التحدث مع النفس , ممكن تشوفى المدونة الأخيرة اللى عندى ؟
أكيد ممكن..من غير ما تقولين بس كان عندي مشكلة مع مدونتك، ما تبان ...
..
blank
صفحة بيضا ، بس مشي الحال اليوم الحمدلله
أمس كمان فتحت ايميلي هناك(( الواحد يستسهل الغلط اذا جربه مرة، لا؟؟))ههه
فكرت افتح مدونتي..بس غيرت رأيي عشان ما حبيت تصير موجودة و الكل يقرأونها هناك..على الاقل مش حاليا
فاهمة كويس جدا موضوع ((مو مستاهل))و معاكي كل الحق..الواحد ما يحط نفسه في مواقف يكون فيها تحت رحمة أمينة المكتبة..تسمح له بكرمها او تكسفه و تقول له يقفل اللي فاتحه
اشكر لك مرورك :)
Post a Comment